படித்ததில் பிடித்தது

படித்ததில்  பிடித்தது

உறுதியானவர்கள்தான்  எளிதில்  உடையக்ககூடியவர்களாகவும்  இருக்கிறார்கள்.

அவர்கள் எல்லாஇடங்களிலும்  ஆறுதலை எதிர்பார்ப்பதில்லை.

எதிர்பார்க்கிற இடங்களில் எதிர்கொள்ளும்  நிராகரிப்புகள்தான்  வீழித்துவிடுகின்றன.

                                       - சொல் அல்ல செயல்  - அதிஷா

படித்ததில் பிடித்தது

கடைசிவரை எல்லா
ஆண்பெண்  விளையாட்டும்,
வயிற்றுக்கும் மனத்துக்குமான
இழுபறிதான்  இடையில்
இந்த மூளை விடுகிற
வெற்றுச்சவால்களும்,
ஆடத்தூண்டுகிற
பகடையாட்டங்களும், எந்தச்
சூதாடியும் நிஜத்தில் தோற்று,
கனவில் ஜெயித்து, நிறுத்த
முடியாத ஆட்டத்த்தில்
நிலைகுலைகிறான்.
தோற்றவன் கண்களில்
ஜெயித்தவனைவிட ஜெயம்
மட்டுமே அதிகம்
மினுங்குகிறது.
                    
                - வண்ணதாசன்

காலப் பெருவெளியில்
கரைந்துகொண்டிருக்கிறது
அவளின் பெருங்காமம்
பொருள் தேடச் சென்றவனின்
குருதியில்
நீர்த்துக் கிடக்கிறது
காமத்தின் வலி

எதுகுறித்தும் பேசாமல்
உருள்கிறது பூமி
காமத்துக்கு
ஆயுள் எழுதும்
மருந்துகள் இதுவரை இல்லை!
                              - நாச்சியாள் சுகந்தி

எல்லாம்  இறுதியில்  பழகிப்போய்விடும்
நினைவில் உள்ளதா
ஏமாற்றத்தின்  துரோக முட்கள்
உன்னைக்  கிழித்த அம்முதல் நாளை
எப்படி உரக்கக் கூவினாய்!
யாரோ
கூக்குரல் கேட்டு வருவார் என்பதாய்
எவ்வளவு விரைவில்  தெரிந்துகொணடாய்
பதிலில்லாக் கேள்வி  உன் கூக்குரலென்று
கொஞ்சம் கொஞ்சமாய் பழகிப்போய்விடும்
                                                      - ஞானக்கூத்தன்



https://www.youtube.com/watch?v=97N5B-Qb0HQ

ஏதோ ஒரு வேளையில்
கனவுகள்  மெய் பட்டுவிடக்கூடுமென
அகதிகளாய்
நலம், சுகங்கள் மறுக்கப்பட்டு
தலையணை நனைத்த
இரவுகளுக்காக
பார்வைகளால்  அள்ளி வீசப்பட்ட
அவமானங்களால்
தண்ணீரில் கண்ணீர் விடுதலும்
தடை செய்யப்பட்டு
காற்று கண்ணீர்  துடைக்கும்
வேகத்தில் அழுகை
பழகிக்கொளல்

சாட்சிகள்
இல்லா செயல்கள்
குற்றங்களாவதில்லை

கொன்றுகொண்டிருக்கிறேன்
மனசாட்சியை