ஆசை விதைகளில்
பழங்களாக
காத்திருக்கும்
வலிகளும் 
இயலாமையும் 

மங்கை மணாளன்
மனம்புக
இரண்டே வழிகள்
சொன்னால் கோபித்துக்கொள்ளும்
பெண்ணியம்
காலம் கனியட்டும்

கருணை அன்பு
காதல் காமம்
சிலந்தி இழையாய்
இடைவெளியில்
அர்த்தங்களை
அனர்த்தமாக்க

வளைவுகளில்
விரல்கள் ஊர
உன் பெயர் என்ன
காதில் கிசுகிசுத்தான்
அவளும் கிசுகிசுத்தாள்
உனக்கு என்ன பெயர்
பிடிக்குமோ அதையே
வைத்துக்கொள்
இதுவும் கடந்து போகும்

காமத்தில்
மனம் பேதலிக்க
பயத்தில்
நல்லவர்களாய்

தத்வமஸி
நீ, அது
வேத மஹா வாக்கியம்
குழப்பமில்லை

நீயே அதுவா
அதுதான் நீயா

நீயும் அதுவும்  இரண்டல்ல
அதுவும் நீயும் வெவ்வேறு
நீ, அதுவாக மற்றொன்றின்
தயை ஆக மூன்று

சங்கரர், மாத்துவர் மற்றும் இராமானுஜர்
குழப்பவாதிகள்

குழப்பமில்லாமல் தெளிவில்லை

 இரண்டல்ல, வெவ்வேறு மற்றொன்று
எம் மார்க்கம் உண்மை அறிய
சிந்திக்க ஆரம்பி
மூன்று பிறவியாவது ஆகாலாம்

முடிவு கொண்டபின் வழி நட
எதோ ஒரு பிறவியில்
சித்தித்க்கலாம் 

அதிலிருந்து
இதுவந்ததா
இல்லை இதிலிருந்து
அதிலிருந்து
இது வந்ததா
காதலும்
காமமும்
அந்த இடத்தில்
உனக்கு எது உகந்ததோ
காரியம் நடத்து அதை வைத்து
ஆதலினால் கா... செய்வீர்

இயலாமைகளின்
எச்சங்களை
ஏற்றுக்கொள்ள
பழகுவதாய்
வாழ்க்கை

தோன்றியதை
சொல்லிவைத்தேன்
தரம் பிரிப்பது
உன் கடன்

காமத்தில் இருந்தது
கடவுள் வரை
காட்டும் கண்கள்
மெலிதான சோகம்
பேசும் கண்கள்
மட்டும் மனம்
புகுந்தது
மாயம் செய்யும்கவிதையாய்

லக்ஷ்மி லக்ஷ்மி
என்று  அழைத்துக்கொண்டே
இருந்தேன்
கேட்டும் பாரமல்
இருவரும் 

அவன் சொன்னான்
அவளும் சொன்னாள்
சோகத்தில் இருவர்

ஒரு புத்தகம்
சிறிதளவு விஸ்கி
மெல்லிய இசை
இதுகூடவா பேராசை
ஏமாற்றமே மிஞ்ச 

ஓ அந்த
மகிழ்ச்சியான
நாட்கள்

இவையும்
நிகழ்காலமாய்
இருந்தவை தானே

காதலில்
இனித்த முத்தம்
மணம் முடிந்ததும்
கடமையானதேன்

நான் நகுலனில்லை
இருவரிக்கவிதையில்
ஞான ப்பொருள் உரைத்து
சிந்த்திக்க வைக்க

நாலு வரி உளறல்களிரிந்து
நகுலனை நோக்கி பயனிக்ககிறேன்

குடியரசானோம்
விடுதலை பெற்றோமா
வெள்ளியாய்ரிடத்தில்
சக மனிதர்கள்

வாங்குபவரும்
விற்ப்பவரும்
ஒத்துக்கொள்ளும்
நிலை விலையென்று
கற் றுக்கொடுக்கிறது
பொருளாதாரக் கோட்பாடு

சுக்கிரப் பெண்ணே நீ
மட்டும் ஏன்
பழிக்கப்படுகிறாய்
ஆண்கள் மன்னிக்கப்
படும்போது 

என் கூட்டில்
ஆயிரம்
வேதனை எனினும்
உன் மீதான காமம்
புத்தம் அறிய
வைத்தது 

கருப்பொருள் மனம்
புகுந்து
தாய்மையின் அவஸ்தை
கூட
தமிழ் தாய்
கருணை கொண்டு
சீர் தழைக்க
வருமாம் கவிதை

கவிதையென்ன
வணிகனிடம்பா
கேட்டு வாங்க
சில்லறை வணிகமா

காதல்
ஒரு முறை தான்
வருமா
காலம்
பொருள்
வாய்ப்பு
இவை தான் தீர்மானிக்கிறது
அடுத்தமுறை உன்
நியாய தராசால்
நிருக்குமுன்
ஐயம் கொள் .

கூடிக்களித்தலும்
தீராத்தனிமையும்
செல்வந்தராதலும்
வறுமையில் வாட்டுவித்தலும்
ஒன்றாலேயே என்று உணர்

இதில் ஏது
என் குற்றம்
 ஆண்களின் கண்கள்
 உடை அவிழ்த்துப்பார்க்க
கேட்டா வாங்கிவந்தேன்
இவ்வுடம்பை

தொழில்

இரண்டு நாள் முன்
கந்து வட்டிக்கு வாங்கி
களிமண் பதம் சேர்த்து
இரவெல்லாம் கண் விழித்து
பிள்ளையார் பிடித்து
வண்ண வண்ண கோடை செய்து
எருக்களை மாலையுடன்
விடியல் முதல்
வழி பார்த்து
மனையுடன் வருபருடன்
பேரம் பேசி
போட்ட முதல் தேறுமா
என்றிருக்க

இரவெல்லாம் குடித்து
வேசியுடன் புணர்ந்து
மெதுவாய் கண் விழித்து
அவசரமாய்  குளி த்து
விநாயகர் அகவல்  சொல்லி
மனையுடன் கூட்டதில் சேர்ந்து
நாலாவது தேறுமா
என்று கணக்கு போட்டான்
கைபேசி திருடுபவன் .

                                 -    பயணி

படித்ததில் பிடித்தது 2.


என்னுள்  எங்கோ  மறைந்திருக்கும்
மூதாதையர் குகையின்
ஏதோ  ஒரு மூலையில்
அமைந்திருக்கும்
தொன்ம ஆசைகளின்  சேகர அறையிலிருந்து
வினோத ஆசையொன்று
கால  விமோசனத்தில்
உயிர்பெற்று  உலவத் தொடங்கி
என்  கனவுப் பிரதேசத்துக்குள் புகுந்து
கும்மாளமடிக்கிறது .

ஆதிவேட்கையின்
காட்டுத்தன்மை காரணமாக
சுபாவமாய்  அது என்னுள்
பற்றி  எரிந்து கொண்டிருக்கிறது
அதன் வெக்கையில் தகிக்கிறது
உடலும் மனமும்.

இனி
மூதாதையர் பரிசாக
ஒரு  தண்டனையோ களங்கமோ
வந்தென்னைச் சேரக்கூடும்
வணங்கி ஏற்பதைத்  தவிர
வழியேதுமில்லை .


                                                        - சி.மோகன் (தண்ணீ ர் சிற்பம்)